A parroquia de Santa Eulalia de Codeso intégrana o seguintes lugares: Ardesende, Casaldesuso, Casalvieito, Engas, Outeiro e Santaya. Desta parroquia destacan as fervenzas de Codeso, una das cales está situada no lugar de Balado, a 100 metros da ermida de San Paio, e que en inverno fascina pola espectacularidade que provoca a caída da auga. A outra cascada, de sete metros de altura aproximadamente, ten a súa orixe no río Pontillón. 

      Na nosa viaxe atopámonos co Mirador “Pena do Corvo”, duns 340 metros de altura e con vistas ó barranco do Gundián, Ponte Ulla. Por certo, disque existe a pegada dunha cabra sen descobrer e baixo a cal existe ouro.

     As festas máis destacas de Codeso son o domingo de Entroido; San Antonio e San Paio –no derradeiro domingo de xuño-; e Santa Eulalia, Santísimo e o Carme, na segunda fin de semana de decembro.

      Ó século XVII pertence a ermida de San Paio, a carón do Río Pontillón, coñecido por río Cabaleiros, e que conserva a “Fonte do Santo” con antigos lavadeiros. Máis moderna, de finais do século XIX, aínda que definida por un estilo románico, érguese  a igrexa de Santa Eulalia. Codeso tamén conserva os cruceiros de Ardesende e de A Iglesia,  as Casas Grandes de Romay –antiga residencia de militares- e Balado –de finais do século XVII- e a Casa de Matelo, do ano 1702 e ó que pertencía o muíño de Matelo.

Radio Boqueixón